Was wäri Bauma und de TV ohni s Fustball – und mir lueged jetzt zrugg ufd Saison 2021!

Es isch nöd es eifachs Jahr xi, will s Corona Virus hett au das Jahr wieder chli en Strich durd Rechnig gmacht.. dine Trainiere hettmer zum teil nöd defe.. oder denn mit Maske – was natürli nöd gad wükli Spass macht..

aber im Früehlig isches denn doch wieder verusse gange.. denn hettmer s neue Feld gsetzt – inkl Fützlitest – und so hend d Jungs und Mädels jede Fritigabig wieder chöne dusse trainiere mit wiitere lockerige isch denn sogar s “Dusche mit de Boys” wieder möglich xi.

denn isches au scho losgange mit de Summermeisterschaft.. gad zwei Mannschaft us Bauma sind uf in Ruum Winti zum sich z messe..

S Team TV Bauma 1 het sich ide Gruppe B knapp gege FBR Dägerle 2 nöd chöne duresetzte gege de Gruppesieger MR Altikon hend sie sich leider müsse mit 0 zu 3 Sätz gschlage geh.. vo dem hend sie sich aber nöd unterkriege lah – gege SG Pflanzeschuel/Neftebach hend denn sie chöne 3 Sätz ihstriche.. mitere wiitere Niederlag gege TV Oberwinterthur 4 sinds somit ufem 4te Gruppe-Rang glandet.. 

S Team TV Bauma 2 het ide Gruppe A natürli au alles geh.. und gege MR Rorbas mit 3 zu 0 und TV Töss 2 mit 2 zu 1 chöne gwünne. de Teams MR Hettlinge, TV Oberwinterthur 3 und BSV Ohringe hend sie sich aber müsse mit 0 zu 3 gschlage geh.. schlussendlich hett das für sie ebefalls de 4ti Platz bedütet..

das wiederum hett dezue gfüehrt, dass die beide Teams ide Finalrundi in Altikon ide gliche Gruppe xi sind.. will beidi ihri erste Spiel verlore hend.. hendsden schlussendlich no gegenand gspielt hend.. was sicher eis vode grosse Highlights xi isch vode Saison.. s Spiel isch sehr spannend xi, au will die beide Teams natürli d Stärchene und Schwächene vonenand kenned.. s Team Bauma 1 hett aber zeiget warum sie ebe s 1 sind und hend zweimal mit 11 zu 5 gwunnä.. Schlussendlich hett das für de TV Bauma 1 de Finalplatz 7 und für de TV Bauma 2 de Platz 8 bedütet..

Gfiiret worde isch das mit zwei Harass Bier, chli Tequila (gäll Mo) und eme Bänkli ide Duschi. Mer lueget also ufen spassigi Saison zrugg, wo au s Wetter ah de Turniertäg immer herrlich xi isch – wommer vom restliche Summer ja nöd chan behaupte. abgschlosse worde isch di ganzi Saison miteme feine Esse im Banhöfli z Bauma!

Für de TV Bauma, eui gschätzti Radiomoderatorin
Rilana Schätti